எங்களை பற்றி

அறப்போர் என்றால் ‘அறத்திற்காக அறவழியில் போரிடுவது ‘ அல்லது ‘அகிம்சை போர்’ என கூறலாம். அறப்போர் இயக்கம், நீதியும் சமத்துவமும் நிறைந்த ஒரு சமுதாயத்தை உருவாக்கும் ஒரு மக்கள் இயக்கமாகும். அறப்போர் இயக்கத்தின் தற்போதைய கவனமானது அரசு இயந்திரத்தில் வெளிப்படைத்தன்மை மற்றும் பொறுப்புடைத்தன்மையை நிலைநாட்டுவது மற்றும், மக்களின் பிரச்சினைகளைத் தீர்ப்பதற்கான மக்கள் பங்கேற்கும் ஜனநாயகத்தை அமைப்பதாகும். 

அறப்போர்  இயக்கம் இந்திய அரசியலமைப்பு , அதன் கொள்கைகள் , மற்றும் சட்டங்கள் 

ஆகியவற்றை உறுதியாக நம்புகிறது. கண்ணியத்துடனும், சகோதரத்துவத்துடனும், சுதந்திரத்துடனும் வாழக்கூடிய இந்திய தேசம் என்ற நமது அரசியலமைப்பின் தாத்பரியம், அறப்போர் இயக்கத்தின் செயல்பாடுகளுக்கு மூலமாக இருக்கிறது. இதன் நோக்கிலிருந்து  நமது முன்னெடுப்புகள் நமது நடவடிக்கைகள் முதலாவதாக சட்டத்தின் ஆட்சிக்கு உட்படும் மற்றும் அரசியலமைப்புச் சட்டத்தின் நெறிமுறைகளை கவனத்தில் கொண்டு பொறுப்புணர்வோடு செயல்படும். 

நமது  சமூகத்தின் சமூக நீதி மற்றும் பொருளாதார நலனை பாதுகாக்கும் நோக்கத்துடன் மட்டுமே அறப்போர் செயல்படுகிறது. அரசு ஊழியர்கள் சட்டத்திற்கு உட்பட்டு செயல்பட வேண்டும் என நாம் எதிர்பார்ப்பது போல நாமும் முழுமையாக சட்டத்திற்குட்பட்டு நடப்பது நமது கடமை என கருதுகிறோம்.